జనసేన అధినేత పవన్ కళ్యాణ్ సాయం ఒక్కటే కాదు.. తన పెద్ద మనసు చాటుకున్నారు. పార్టీలతో సంబంధం లేకుండా ఇలాంటి క్లిష్ట సమయాల్లో మానవతా ధృక్పథంతో వ్యవహరించారు. జగన్ సర్కార్‌కు తమ మద్దతు ఉంటుందని చెప్పారు. జనసేన పార్టీ ఇలాంటి విపత్కర సమయాల్లో వైసీపీ నేతృత్వంలోని ఏపీ ప్రభుత్వానికి పూర్తిగా మద్దతు ఇస్తుందన్నారు. ఈ విషయాన్ని పవన్ కళ్యాణ్ స్వయంగా ట్వీట్ చేశారు.
అంతేకాదు ఏపీ ప్రభుత్వానికి మరో విన్నపం చేశారు పవన్. మార్కెట్లు మూసివేశారని.. మామిడి రైతులు భారీ నష్టం వస్తుందనే భయంతో ఉన్నారని.. కాబట్టి ప్రభుత్వం దీనికి సంబంధించిన చర్యలు తీసుకోవాలని కోరారు. అలాగే మహిళపై ఉన్న ఒత్తిడిని తొలగించాల్సిన బాధ్యత ప్రభుత్వానిది అని.. స్వయం సహాయక బృందాలకు సంబంధించిన లోన్ కట్టేందుకు జూన్ వరకు అవకాశం ఇవ్వాలని కోరారు.
